“Turan Tovuz”un futbolçusu Faiq Hacıyev cərrahiyə əməliyyatı olunub.
İdmanxeber.az xəbər verir ki, sol qasıq kanalında yırtıq diaqnozu qoyulan müdafiəçinin əməliyyatı uğurlu keçib. Bu barədə klubun mətbuat xidməti məlumat yayıb.
İstanbulda Türkiyə xəstəxanasında baş tutan əməliyyatdan 2 gün sonra futbolçu ev şəraitində mülicəyə buraxılacaq. O, həkimlərin rəyindən asılı olaraq təxminən bir həftə sonra fərdi məşqlərə başlaya biləcək.