“Neftçi” rəhbərliyi Azərbaycan Kubokunun finalı üçün futbolçulara ciddi məbləğdə mükafat vəd edib.
İdmanxeber.az-a verilən məlumata görə, rəhbərlik “Sabah”ı keçəcəyi təqdirdə, komandaya 110 min manat “premya” sözü verib. Avrokubok hədəfinin yeganə yolu olan ölkə kuboku rəhbərlik üçün çox önəmlidir.
Bu səbəbdən də komandaya böyük məbləğdə pul mükafatı ayrılıb.
Xatırladaq ki, “Neftçi” aprelin 2-də Azərbaycan Kubokunun yarımfinal mərhələsinin ilk oyununda “Sabah”la üz-üzə gələcək. Tərəflər arasında cavab matçı aprelin 23-də baş tutacaq.