“Liverpul” “Real”ın yarımmüdafiəçisi Arda Gülərin xidmətində maraqlıdır.
İdmanxeber.az-ın məlumatına görə, 20 yaşlı futbolçu Madrid klubunda az oynadığı üçün klubdan ayrıla bilər. Ancaq “Liverpul”un futbolçusu Dominik Soboslai ilə Güler arasında mübahisə transferə mane ola bilər.
Xatırladaq ki, UEFA Millətlər Liqası pley-off mərhələsində Türkiyə Macarıstanı məğlub edib. Matçda Soboslai ilə Arda arasında gərginlik yaşanmışdı.
Arda bu mövsüm Karlo Ançelottinin komandasında 32 matçda iştirak edib, 3 qol və 7 məhsuldar ötürmə ilə yadda qalıb.