Peşəkar Futbol Liqası (PFL) Azərbaycan kubokunda reqlamenti dəyişdirmək qərarını götür-qoy edir.
İdmanxeber.az-ın əldə etdiyi məlumata görə, Azərbaycan Premyer Liqası ilə yanaşı həm də kubokun keçirilməsinə cavabdeh olan qurum turnirdə ikili matçların sayını azaltmaq qərarına gəlib. Belə ki, 2025/2026 mövsümündən etibarən ölkə kubokunda yarımfinala kimi olan görüşlərdə qalib bir oyuna əsasən müəyyənləşəcək.
Kubokda 1/2 finala kimi olan bütün oyunlarda ev sahibi komanda isə püşk yolu ilə seçiləcək. Yalnız yarımfinal matçları ev-səfər prinsipi iə oynanılacaq.
Qurum bununla bağlı müzakirələrini davam etdirir və mövsümün əvvəlində bu məsələ konkretləşdiriləcək.