“Napoli” rəsmi olaraq “Şaxtyor”un ukraynalı yarımmüdafiəçisi Georgi Sudakov üçün 35 milyon avro təklif edib.
İdmanxeber.az-ın məlumatına görə, “Şaxtyor” futbolçunu əsas oyunçu hesab edir və təklif edilən məbləğdən daha çox almaq istəyir. Futbolçunun özü də “Napoli”yə keçməkdə maraqlıdır.
Sudakovun “Şaxtyor”la müqaviləsi 2028-ci ilə qədər qüvvədədir. “Transfermarkt”ın məlumatına görə, futbolçunun bazar dəyəri 32 milyondur.
Bu mövsüm Sudakov 24 oyun keçirib, 11 qol vurub və 4 məhsuldar ötürmə edib.