Azərbaycan kubokunun yarmfinal mərhələsinin cavab görüşləri çərçivəsində “Sabah”la qarşılaşacaq “Neftçi” oyuna ciddi hazırlaşır.
İdmanxeber.az-ın əldə etdiyi məlumata görə, klub rəhbərliyi azarkeşlərin Masazıra rahat gedib-gəlməsi üçün ekspres avtobuslar aırıb.
Bundan başqa, klub adətən “Neftçi Arena”da keçirilən görüşlərdən öncə fan-şopu fanatlarının üzünə açırdısa, bu dəfə bu, “Sabah”la oyundan öncə olacaq. Fan-şopda klub formaları 50% endirimlə azarkeşlərə təklif olunacaq ki, oyundan öncə fanatlar bu geyimlərdən alaraq Masazıra yollana bilsin.
Paytaxt klubunu “Bank Respublika Arena”da ümumilikdə 1100-ə yaxın azarkeşin dəstəkləyəcəyi gözlənilir.
Artıq klub və komandanın azarkeş qrupları vacib oyun öncəsi sosial şəbəkə hesablarından azarkeşlərinə çağırışlar edir.