“Qarabağ” Çempionlar Liqasının 2-ci təsnifat mərhələsində Albaniyanın “Kukesi” klubu ilə qarşılaşacaq.
İdmanxeber.com-un məlumatına görə, artıq hər iki oyunun vaxtı açıqlanıb. Ağdam klubu ilk görüşünü səfərdə keçirəcək. Bu qarşılaşma iyulun 25-də olacaq və Bakı vaxtı ilə 21:00-da başlayacaq.
Bakıdakı cavab matçı isə avqustun 1-də keçiriləcək və 21:00-da start götürəcək.
Qeyd edək ki, “Qarabağ” birinci təsnifat mərhələsində Sloveniya “Olimpiya”sını mübarizədən kənarlaşdırıb.