“Qəbələ” qapıçı Andrey Popoviçlə yollarını ayırıb.
İdmanxeber.com-un-un klubun rəsmi saytına istinadən verdiyi məlumata görə, 2015-ci ilin yayından “qırmızı-qara” forma geyinən 24 yaşlı futbolçu komandanın heyətində 1 mövsüm çıxış edib.
Qolkiper 2015-2016-cı illər mövsümündə “Qəbələ”də 10 oyun keçirib, 14 qol buraxıb. Premyer Liqada 8 matçda 11 dəfə qola üzülən qapıçı Azərbaycan kubokundakı yeganə oyunda qapısını toxunulmaz saxlayıb. Popoviç UEFA Avropa Liqasında keçirdiyi matçda 3 top buraxıb. Andrey “qırmızı-qaralar”ın heyətində Topaz Premyer Liqasının bürünc mükafatını qazanıb.
Qeyd edək ki, “Qəbələ” daha öncə Samir Zərgərov, Arif Daşdəmirov, Ermin Zets, Aleksey Qay, Ruslan Abışov, Pavel Paşayevlə yolları ayırıb.