“Qəbələ”nin çalışdırıcısı Roman Qriqorçuk ölkəsinin mətbuatına müsahibə verib. İdmanxeber.com-un məlumatına görə, Ukraynalı həmkarlarımızın suallarını cavablandıran 52 yaşlı mütəxəssis komanda və Azərbaycan futbolu haqda da fikirlər səsləndirib.
– Zaman çox tez keçir. Sanki dünən “Çernomorets”i Avrokubok oyununa çıxarmısız Halbuki, 3 ilə yaxındı Azərbaycanda çalışırsız…
– İİş zamanı bu elə də hiss olunmur. Ancaq fikirləşəndə, bir də baxırsan ki, zaman uçub-gedib.
– Bu mövsüm “Qəbələ”ni Avropa Liqasının qrup mərhələsinə daşıya bilmədiz. Üzülürsüz?
– “Panatinaikos”u keçməyin bizim üçün real olduğunu düşünsəydim, üzülərdim. Biz hələ əvvəlki mərhələdə “Yagelloniya”ya uduza bilərdik. Çünki Polşa komandası həmin vaxt güclü və yaxşı təşkilatlanmış idi. Elə alındı ki, “Qəbələ” rəqibini mübarizədən kənarlaşdırmağı bacardı. Lakin bunun yetirmələrim üçün maksimum olduğunu başa düşdüm.
– Oyunlar zamanı futbolçulara hansı dildə tapşırıqlar verirsiz?
– 2 futbolçumuz rus dilində başa düşmür. Onlara köməkçilərim yardım edirlər. Əcnəbilərə isə kiçik şeyləri ingilis dilində anlada bilirəm.
– “Çernomorets”i izləyirsizmi?
– Diqqətlə izlədiyimi deməzdim. Amma komandanın nəticələrindən xəbərim var. Bir neçə görüşlərinin icmalına baxmışam. Lakin “Çernomorets”in oyunu haqda ümumi təsvir vermək mənə çətindi.
– Ukraynada olduğu kimi, Azərbaycanda da əsas prioritet avrokuboklardı?
– Ola bilər. Bunu azarkeşlərin oyunlara olan marağı ilə izah edə bilərəm. Stadionlarda anşlaq, demək olar ki, Çempionlar Liqası, Avropa Liqası görüşlərində və milli komandanın matçlarında olur.
– Kiyev “Dinamo”sunun Avropa Liqasındakı rəqibi “Skenderbeu” ilə vaxtilə “Çernomorets”in çalışdırıcısı kimi qarşılaşmısız. Həmin matçı məşqçilik karyeranızın ən dramatik oyunu adlandırmaq olar?
– Bəli. Amma yaxşı sonluqla başa çatmışdı (gülür).