Futbol üzrə Portuqaliya Premyer Liqasında 3-cü turun oyunları baş tutub.
İdmanxeber.com-un məlumatına görə, azərbaycanlı futbolçu Emin Mahmudovun komandası “Boavişta” da növbəti matçını keçirib.
Adıçəkilən klub doğma meydanda “Çaves”lə qarşılaşıb. Mahmudovun komandası bu oyundan heç-heçə ilə ayrılıb – 2:2.
Emin Azərbaycan yığmasının Bakıdakı təlim-məşq toplanışına qatıldığı üçün bu matçın iştirakçısı olmayıb.
Qeyd edək ki, “Boavişta” 3 turdan sonra 5 xalla 6-cı pillədə qərarlaşıb.