“Kəpəz”in sponsorsuzluqdan əziyyət çəkdiyi bir dönəmdə Gəncənin eyniadlı voleybol komandasına yerli şirkətlərdən biri maliyyə ayırmağı düşünür.
İdmanxeber.az-a etibarlı mənbədən daxil olan məlumata görə, “Gəncə” voleybol komandasının yeni sponsoru köhnə adı “Azəralüminium” MMC olan, hazırda “Detal LTD” kimi fəaliyyət göstərən şirkət olacaq.
Şirkət voleybol komandasının azı 1 illik baş sponsoru olacaq.
“Azərbaycan Sənaye Korporasiyası” Açıq Səhmdar Cəmiyyəti tərəfindən təsis edilmiş “Azəralüminium” Məhdud Məsuliyyətli Cəmiyyəti bu 1 il ərzində komandaya 600 min manat vəsait ayrımağı düşünür.