“Komanda qələbə qazandığı və qol vurduğum üçün çox sevincliyəm. Bu, bizim üçün çox önəmli oyun idi. Çox şükür ki, 3 xal qazana bildik. Matça yaxşı hazırlaşmışdıq. Qələbə gözləyirdik. Bu görüşə hamımız hazır idik”.
Bu sözləri İdmanxeber.az saytına “Kəpəz”in futbolçusu Karim Lkoça “Turan Tovuz” oyunu (5:2) barədə danışarkən deyib. O, daha sonra belə davam edib:
“Səbail”in qalib gəlməsi oyunumuza təsir etdi. Onlar qalib gəldiyi üçün daha da həvəsləndik. Növbəti tur “Səbail”lə oynayacağıq. Bizim üçün hazırda bütün görüşlər önəmlidi. “Səbail”lə görüşə də bu qarşılaşma kimi hazırlaşacağıq”.
Mərakeşli oyunçu öz performansı barədə də söz açıb:
“Bütün oyunçular yeni çempionata gələndə adaptasiya dönəmi olur. Mən artıq özümü çox hazır hiss edirəm. Həmin dövr mənim üçün geridə qalıb. İndi öz hədəfimizə köklənmişik. Məqsədimiz Premyer Liqada qalmaqdı”.
Həsən Quluzadə