“Nürnberq” klubunda çıxış edən Mahir Emreli Almaniyanın başqa klubuna keçə bilər.
İdmanxeber.az-a verilən məlumata görə, futbolçunun xidmətində “Herta” (Berlin) komandası maraqlıdır. Yayda sözləşməsi başa çatacaq futbolçuya paytaxt təmsilçisindən təklif var.
Berlin klubu da II Bundesliqada çıxış edir. Komanda hazırda 36 xalla 12-ci pillədə qərarlaşıb.
Qeyd edək ki, “Nürnberq” də Mahirlə danışıq aparır. Klub rəhbərliyi yerli mətbuata Emreliylə müqavilə uzatmaq istədiklərini bildirib.