Azərbaycanlı FİFA referisi Əliyar Ağayev UEFA-dan daha bir önəmli təyinat alıb.
İdmanxeber.az xəbər verir ki, 36 yaşlı hakim Çempionlar Liqasının Liqa mərhələsində keçiriləcək “Kopenhagen” (Danimarka) – “Bayer” (Almaniya) görüşünü idarə edəcək.
Ağayevə yan xətdə Zeynal Zeynalov və Akif Əmirəli yardımçı olacaq. Dördüncü hakim isə Elçin Məsiyev olacaq.
Qarşılaşma sentyabrın 18-də, Bakı vaxtı ilə saat 20:45-də start götürəcək.