Türkiyə millisinin azərbaycanlı atleti Ramil Quliyev yeni bir rekorda imza atıb.
İdmanxeber.com-un məlumatına görə,100 və 200 metr məsafəyə qaçışda “Rio-2016″da çıxış edəcək sprinter qeyri-ənənəvi növdə iştirak edib.
O, İsveçin Karlstad şəhərində keçirilən Qran-Pri yarışında fərqlənib. Quliyev 300 metr məsafəni 33,04 saniyəyə qət edərək, Türkiyənin yeni rekordunu müəyyənləşdirib. Atlet Batuhan Altıntaşın rekordunu arxada qoyub.
Qeyd edək ki, Ramil 200 m məsafəyə qaçışda da Türkiyə rekordçusudu – 19,88.