“Bavariya” “Liverpul”un hücumçusu Kodi Qakponu transfer etmək istəyir.
İdmanxeber.az-ın məlumatına görə, Münhen klubu “Milan”ın hücumçusu Rafael Leaunun da xidmətində maraqlıdır. Artıq iki futbolçu üçün danışıqlar başlanıb. Bu transferlərin “Bavariya”ya 70 milyon avrodan baha başa gələcəyi bildirilir.
Qakpo 2023-cü ildən “Liverpul”da çıxış edir. Ötən mövsüm 26 yaşlı hücumçu bütün turnirlərdə 49 oyun keçirib, 18 qol vurub və 7 məhsuldar ötürmə edib. Onun ingilis komandası ilə müqaviləsi 2028-ci ilin iyun ayına qədərdir.