“Heç bir rənglənmədən söhbət belə gedə bilməz”
İdmanxeber.az-ın məlumatına görə, Kosovonun kapitanı dünənki matçdan sonra Bakı Olimpiya Stadionunun bərbad vəziyyətdə olduğunu, meydançanın rəngləndiyini bildirmişdi. Oyunçunun bu açıqlamasından sonra BOS-un meydançalarına xidmət göstərən “Agrosport” şirkətinin baş aqronomu Yan Marton məsələyə aydınlıq gətirib:
“Dünənki oyun zamanı meydançaya rəng vurulması ilə bağlı xəbərlər gördüm. Təbii ki, bu məlumat reallığı əks etdirmir. Bildiyiniz kimi, BOS-un əsas meydançasında hibrid ot sistemi tədbiq olundu. Stadionda heç bir rənglənmə prosesindən söhbət gedə bilməz.
Onu da bildirim ki, UEFA tərəfindən təşkil olunan bütün oyunlarda onlarla davamlı təmasda oluruq. Onlara meydanın vəziyyətini, baxımını və bir sıra fotoşəkillər göndəririk. Və bu günə qədər UEFA nümayəndələri tərəfindən heç bir mənfi rəy almamışıq”.