“Qarabağ” 2025/2026 mövsümündə Çempionlar Liqasına hansı mərhələdən başlayacağı dəqiqləşib.
İdmanxeber.az-ın məlumatına görə, Ağdam klubu PSJ-nin finala yüksəlməsinin ardından ÇL-də mübarizəyə I yox, II təsnifat mərhələsindən qoşulacaq. Qurban Qurbanovun rəhbərlik etdiyi kollektiv çempionlar yolunda yer alacaq və püşkatmaya səpələnməmişlər sırasından qatılacaq.
İkinci təsnifat mərhələsinin püşkatma mərasimi iyunun 18-də, qarşılaşmalar isə iyulun 22-23 və 29-30-da keçiriləcək.