Misli Premyer Liqasının 28-ci turunda “Turan Tovuz” doğma meydanda “Qarabağ”ı qəbul edəcək.
İdmanxeber.az-ın məlumatına görə, hər iki komanda da oyuna itkilərlə çıxacaq. Tovuz klubunda zədəli Denis Marandiçi, Roderik Miller və Şəhriyar Əliyev görüşdə iştirak edə bilməyəcək. Joarlem Santosun isə oynayıb-oynamayacağı bəlli deyil.
“Qarabağ”da isə Şahruddin Məhəmmədəliyev bu matçda forma geyinə bilməyəcək. Millinin düşərgəsində zədələnən qapıçı “Turan Tovuz” oyununu buraxacaq.
Qarşılaşma bu axşam saat 19:30-da start götürəcək.