Bir dönəm “Qalatasaray”da çıxış etmiş futbolçu Jesse Sekidikanın mətuatda “Sabah” klubu ilə danışıq apardığı iddia edilir. 2021-22 mövsümündə “Qalatasaray”dan “Eyüpspor”a keçən nigeriyalı hücumçunun paytaxt təmsilçisinə transfer olunmağa yaxın olduğu bildirilib.
Məsələ ilə bağlı klubun mətbuat xidmətinin rəhbəri Elnur Həmidovla əlaqə saxladıq. Klub rəsmisi çıxan iddialara belə cavab verdi:
“Hazırda transfer çalışmalarımız davam edir. Lakin transfer siyahımızda olan futbolçular barədə məlumat verə bilmərik. Yeni futbolçu ilə anlaşma əldə olunsa, bu barədə ictimaiyyətə məlumat veriləcək. İndiki zamanda hələ ki, heç bir futbolçu ilə müqavilə bağlanmayıb”.
Xatırladaq ki, Sekidika müqavilə ilə məxsus olduğu “Eyüpspor”la yollarını ayırıb. O, İstanbul klubunda 29 oyun keçirib və 3 qol vurub, 2 assist edib. Hücumçu ötən mövsümün ikinci yarısını “Ümraniyəspor”da keçirib.
Həsən Quluzadə