Misli Premyer Liqasının üçüncü turunda “Səbail” “Şamaxı”nın qonağı olub.
İdmanxeber.az-ın məlumatına görə, matç 1:1 hesablı bərabərliklə başa çatıb. Qarşılaşmadan sonra baş tutan mətbuat konfransında “Dənizçilər”in baş məşqçisi Mahmud Qurbanov oyun haqda fikirlərini bildirib:
“Oyun ağır və çətin keçdi. İlk əvvəllərdə heç də yaxşı oynamırdıq. Amma qol vura bildik. Birinci hissədə komandada hərəkət az idi. Buna baxmayaraq, 1 xalı qazanmağı bacardıq. Komandada hərəkət az olduğuna görə fasilədən sonra üç əvəzetmə həyata keçirdik. Düşünürəm ki, daha yaxşı nəticə əldə edə bilərdik”.