Bu gün Misli Premyer Liqasında XXXI turun daha iki oyunu keçirilib.
İdmanxeber.az-ın məlumatına görə, günün ilk qarşılaşmasında “Turan Tovuz” “Sabah”ı qəbul edib. Ev sahibi komanda oyundan 0:2 hesabı ilə məğlub ayrılıb.
Bu nəticənin ardından meydan sahibləri 29 xalla “Kəpəz”lə birgə 6-7-ci pilləni bölüşür. “Sabah” isə 71 xalla 2-ci pillədə qərarlaşıb.
Günün son oyununda isə “Neftçi” “ASCO Arena”da “Səbail”in qonağı olub. İki qolun qeydə alındığı matçda qalib müəyyənləşməyib -1:1.
Bu nəticənin ardından “ağ-qaralar” 61 xalla 3-cü pillədədir. 22 xalı olan “dənizçilər” isə sonuncu sırada yer alıb.
Azərbaycan Premyer Liqası
XXXI tur
22 aprel (şənbə)
16:00. “Turan Tovuz” – “Sabah” 0:2
Hakimlər: Cavid Cəlilov, Kamran Bayramov, Zöhrab Abbasov, Rövşən Rəcəbov
Hakim-inspektor: Asim Xudiyev
AFFA nümayəndəsi: Əsgər Əmirəliyev
Tovuz şəhər stadionu.
18:30. “Səbail” – “Neftçi” 1:1
Hakimlər: Rəvan Həmzəzadə, Cəmil Quliyev, Teymur Teymurov, Emin Əliyev
Hakim-inspektor: Vüsal Əliyev
AFFA nümayəndəsi: Ramiz Mustafayev
“ASCO Arena”.
Qeyd edək ki, XXXI turun əvvəlki oyunlarında “Şamaxı” evdə “Kəpəz”lə 1:1, “Qarabağ” isə “Zirə” ilə 2:2 hesablı heç-heçə edib. Tura aprelin 23-də keçiriləcək “Sumqayıt” – “Qəbələ” görüşü ilə yekun vurulacaq.