“Ayntraxt”ın hücumçusu Uqo Ekitike karyerasını İngiltərə Premyer Liqasında davam etdirə bilər.
İdmanxeber.az-ın məlumatına görə, futbolçu ilə “Arsenal” və “Tottenhem” klubları maraqlanır. “Ayntraxt” futbolçusunu satmağın əleyhinə deyil.
Rəhbərlik oyunçuya qarşılıq 100 milyon avro tələb edir. 22 yaşlı forvard bu mövsüm Frankfurt təmsilçisinin heyətində meydana çıxdığı 42 rəsmi oyunda 21 qol və 9 məhsuldar ötürmə ilə yadda qalıb.